شهادات شهود العيان الأوليه تقول ان اشخاص نزلوا من السيارة التى انفجرت و هرعوا بالجرى بعيدا
ومن هنا ينتفى شبهة انه شخص قد فجر نفسه او انتحر...
ثانيا:الصفحة اللى نشرت على الفيس بوك قبل الحادث بيومين واسمها اول حادث انتحار فى 2011حيث تقول ان شابا مصريا أقبل على الانتحار فى الأسكندرية بعد اصابته بقمة اليأس و الاحباط من الواقع الذى يعيشه.
ثالثا:الكشف عن شبكة جاسوسية منذ ايام تتبع الكيان الصهيونى و البحث لازال جاريا عن باقى المتورطين
رابعا:طريقة التفجير والتى تشابه طريقة تفجيرات شرم الشيخ و التى تبين بعد ذلك بين السطور انها سيارة بأرقام مؤقته و كان يقودها عرب اسرائيل و قاموا بالهروب من السيارة بعد تركها قبل انفجارها.
مما سبق فقط...يتبين لنا الآتى بكل وضوح: لقد تم انشاء هذه الصفحة قبل يومين من الحادث فقط و توقف النشر بها قبل ساعتين من الحادث...هناك علاقة بين الحادث و بين الصفحة,حيث اقسم الشاب ان خبر انتحاره سوف ينتشر فى العالم بعد ساعتين و قال فى مذكراته انه قد جمع كل الصور الخاصة به و حقيبته و فيها كتاباته و مقتنياته الثمينة(طيب مش لو هو شاب منتحر و خد شنطته معاه و مش عايز يفرط فى اى حاجه من مقتنياته الثمينة بأى ثمن..مش على الأقل النيابة هتلاقى اى حاجه من الحاجات دى فى العربيه اللى انفجرت او حواليها )؟؟؟...
أقوال شهود العيان تقول ان السيارة انفجرت ولم يكن بها احد وانها انفجرت قبل ان تحترق وليس العكس...وهذا يعنى ان الحادث ناجم عن انفجار قنبلة وليس عن عمل انتحارى...طبعا الناس تاهت منى ..كده يبقى مفيش علاقة بين الصفحة و بين الحادثة!!! لا طبعا فى علاقة وثيقة لكن الحقيقة مش كامله...الصفحة دى جزء من اعمال شبكات التجسس الاسرائيلية فى مصر..واللى كتب الكلام ده شخص حريص جدا و عارف ازاى يتعامل مع الصفحة لأنه معملش ولا
like
على اى تعليق اتكتب له على الصفحة عشان مش ممكن حد يقدر يوصل لمصدر الصفحة!!
الصفحة اتعملت ليه ؟عشان الداخلية تقدر تقول بعد الحادثة ان الشخص ده كان مختل عقليا و محبط و أنشأ صفحة على الفيس بوك قبل انتحاره و ده اللى بدأ يبان من تصريحات الداخليه بأنه عمل انتحارى...طيب فين بصمات الكيان الصهيونى و المخابرات الاسرائيلية؟؟؟ هنلاقيها على ضهر العربيه اللى شهود العيان فى الموقع بعد الحادث قالوا انهم لقوا مكتوب عليها"البقية تأتى"طبعا دى اشارات من الكيان الصهيونى ان لسه فى عمليات تانيه و بالتالى يبقى مفيش شاب انتحر و الموضوع خلص ..لأ ده لسه الموضوع هيتكرر تانى و تالت و الله اعلم كام مره...
...
..
طيب خلينا نقرا ايه الفائده اللى هتحصل عليها الأطراف المتورطه...
اولا:المخابرات الاسرائيلية:ده يعتبر نجاح للشبكة اللى بتكونها اسرائيل من زمان فى مصر بهدف خلق الفتنة الطائفيه و اشعالها و تقسيم مصر و ده جه مباشرة بعد استفتاء انفصال السودان؟؟؟!!
طيب الفايده التانيه لدولة اسرائيل هى:ان بحدوث الفتنة فى مصر او بعدم حدوثها فى الوقت الحالى ..ده هيساعد النظام الحالى فى مصر على الاستمرار و بالتالى على حماية اسرائيل و أمنها لوقت اطول..
أما بالنسبة للنظام المصرى:فا الموضوع بسيط جدا...الداخلية هتقول ده شاب انتحر من اليأس و كان مريض نفسى او عقلى زى ما عملوا قبل كده..
كمان هيقدروا يبرروا للشعب انهم كانوا صح فى ابعاد الاخوان المسلمين عن مجلس الشعب(وده طبعا عشان الفئة اللى مش هتصدق موضوع الشاب المجنون)
..من هنا النظام المصرى هينزل الامن المركزى لقمع اى مظاهرة او احتجاج و هيقدر يعتقل الناس بحجة درء الفتنة و بالمرة تبرير قانون الارهاب و العمل به..
وفى حاجه كمان اهم من كل ده اللى هى ان بكده هيصرفوا نظر الناس عن الانتخابات و التوريث و التزوير و التغيير و يخلوا الناس مشغوله بقضية الفتنة الطائفيه اطول فترة ممكنه ...ده هيساعد توريث الحكم لنجل الرئيس فى جو هادئ على صعيد المعارضة السياسية..عشان كل الناس تقول مش مهم مين يمسك البلد دلوقتى المهم متقمش حرب اهليه فى مصر..واخيرا احب اقول لكل مصرى:النظام المصرى يتعاون مع الصهاينة ضد الشعب من أجل الكرسى و الحكم و السيطرة على ثروات مصر..فهى فائده لهم و لأسرائيل اللى بتاخد الغاز ببلاش و غيره كتير..النظام المصرى بيساوم على الشعب المصرى...افيقوا يا شعب مصر و انتبهوا لما يخطط لكم
بعض اللينكات لتوثيق النوت
http://www.facebook.com/video/video.php?v=165448813499734&oid=193038565655&comments
http://www.facebook.com/photo.php?fbid=170609669647263&set=a.103371463037751.1823.100000946941987&theater
http://www.facebook.com/video/video.php?v=173193336052093&comments
http://www.facebook.com/photo.php?fbid=170609669647263&set=a.103371463037751.1823.100000946941987&theater
http://dostor.org/politics/egypt/11/january/2/34306
منقول من صفحة ايمن احمد
الفيس بوك
http://www.facebook.com/notes/ayman-ahmed-darrag/alhqyqt-wra-tfjyrat-alaskndryttswr-shkhsy-w-arjw-nshrh/166984653346971
ليست هناك تعليقات:
إرسال تعليق